နိုင်ငံတကာ ပညာသင်ဆုတွေထဲကမှ မြန်မာကျောင်းသား/သူတွေအတွက် အသင့်တော်ဆုံးနဲ့ အပြည့်အဝ အကျိုးဖြစ်ထွန်းစေမယ့် ပညာသင်ဆုတစ်ခုမျှဝေပေးလိုက်ပါတယ်။ အဲဒါကတော့ Chevening Scholarship ပဲ ဖြစ်ပါတယ်။
ဒီပညာသင်ဆုက ဘာကြောင့် မြန်မာလူငယ်တွေအတွက် အကောင်းဆုံးလဲ၊ ဘာတွေပေးလဲ၊ ဘယ်သူတွေ လျှောက်သင့်လဲဆိုတာသိဖို့အတွက် အောက်မှာဖော်ပြပေးမဲ့အချက်တွေကို အဆုံးထိဖတ်လိုက်ပါ။
GB Chevening ဆိုတာ ဘာလဲ? ဘာကြောင့် မရှိမဖြစ် လိုအပ်တာလဲ?
Chevening (ချီဗနင်း) ဆိုတာ ဗြိတိန် (UK) နိုင်ငံခြားရေး၊ ဓနသဟာယနှင့် ဖွံ့ဖြိုးတိုးတက်ရေးရုံး (FCDO) က ရန်ပုံငွေပေးတဲ့ ကမ္ဘာ့အဆင့်မီ တစ်နှစ်တာ မဟာဘွဲ့ (Master’s) ပညာသင်ဆု အစီအစဉ်တစ်ခု ဖြစ်ပါတယ်။
ဘာလို့ မြန်မာကျောင်းသားတွေအတွက် အသင့်တော်ဆုံးလဲ?
Fully Funded – အရေးကြီးဆုံးက ဒီပညာသင်ဆုဟာ အပြည့်အဝ ရန်ပုံငွေ ထောက်ပံ့ပေးပါတယ် (Fully Funded)။
တက္ကသိုလ် ကျူရှင်ကြေး အပြည့်အစုံ။
လစဉ် ထောက်ပံ့ကြေး (Stipend) (စားစရိတ်၊ နေစရိတ် အပါအဝင်)။
သွားလာစရိတ် (UK ကို သွား/ပြန် လေယာဉ်လက်မှတ်)။
ဗီဇာလျှောက်ထားခ နဲ့ အခြား အသေးအဖွဲ ကုန်ကျစရိတ်တွေပါ အကုန်အကျုံးဝင်ပါတယ်။
Chevening က ပညာရေးမှာ တော်ရုံသာမက မိမိနိုင်ငံအတွက် ပြန်လည် အကျိုးပြုလိုစိတ် ရှိတဲ့၊ အနာဂတ်ခေါင်းဆောင်ကောင်း ဖြစ်လာမယ့် လူငယ်တွေကို ရွေးချယ်တာပါ။ မြန်မာနိုင်ငံရဲ့ လက်ရှိ အခြေအနေအရ စစ်မှန်တဲ့ ခေါင်းဆောင်မှု စွမ်းရည်ရှိသူတွေကို ပိုမို လိုအပ်နေတာမို့ ဒီပညာသင်ဆုနဲ့ ရည်ရွယ်ချက်က ကိုက်ညီပါတယ်။
ကွန်ရက် (Global Network): Chevening ရတဲ့သူတိုင်းဟာ ကမ္ဘာလုံးဆိုင်ရာ အဖွဲ့ဝင်ကွန်ရက် (Alumni Network) ကြီးထဲကို ဝင်ရောက်ခွင့်ရပါတယ်။ ဒီကွန်ရက်ကနေ ကမ္ဘာ့နေရာအနှံ့အပြားက ခေါင်းဆောင်တွေနဲ့ ဆက်သွယ် နိုင်ပြီး အတွေ့အကြုံ၊ ဗဟုသုတတွေ ဖလှယ်နိုင်ပါတယ်။
ဘယ်သူတွေ လျှောက်ထားနိုင်လဲ? (လျှောက်လွှာ အကြံပြုချက်)
Chevening ရဲ့ လိုအပ်ချက်တွေက တိကျပါတယ်။ သင်က-
လုပ်ငန်းအတွေ့အကြုံ (Work Experience)- လျှောက်ထားချိန်မှာ အနည်းဆုံး လုပ်ငန်းအတွေ့အကြုံ ၂ နှစ် ရှိထားဖို့ လိုပါတယ်။ (ဒီအတွေ့အကြုံဟာ Full-time, Part-time, စေတနာ့ဝန်ထမ်း ဒါမှမဟုတ် အလုပ်သင် စတာတွေ ပေါင်းစပ်ပြီးလည်း ရပါတယ်နော်!)
ပညာအရည်အချင်း – မဟာဘွဲ့ တက်ရောက်ဖို့ လိုအပ်တဲ့ ပထမဘွဲ့ (Bachelor’s Degree) ကို ရရှိထားရပါမယ်။
UK တက္ကသိုလ် လက်ခံမှု – UK တက္ကသိုလ် (၃) ခုမှာ လျှောက်ထားရပြီး အဲဒီထဲက တစ်ခုခုကနေ unconditional offer (သို့မဟုတ်) conditional offer တစ်ခု ရထားရပါမယ်။
ပြန်လည်အကျိုးပြုခြင်း – ပညာသင်ဆု ပြီးဆုံးပါက မြန်မာနိုင်ငံကို အနည်းဆုံး ၂ နှစ် ပြန်လာပြီး အကျိုးပြုဖို့ ကတိကဝတ် ပြုနိုင်ရပါမယ်။
အရေးကြီးတဲ့ အချက်ကတော့- လျှောက်လွှာကို ဖြည့်တဲ့အခါ သင့်ရဲ့ ခေါင်းဆောင်မှုစွမ်းရည် (Leadership)၊ ကွန်ရက်တည်ဆောက်နိုင်မှု (Networking) နဲ့ UK မှာ သင်ယူတဲ့ ပညာရပ်က မြန်မာနိုင်ငံကို ဘယ်လို ပြန်ပြီး အကျိုးပြုမယ် ဆိုတာကို အသေးစိတ်၊ ယုံကြည်မှုရှိရှိ ဖော်ပြဖို့လိုပါတယ်ရှင်။
စိတ်ဝင်စားရင် ဘယ်အချိန် ပြင်ဆင်ရမလဲ?
Chevening ရဲ့ လျှောက်လွှာတွေဟာ များသောအားဖြင့် ဩဂုတ်လ သို့မဟုတ် စက်တင်ဘာလ မှာ စတင်ဖွင့်လှစ်ပြီး နိုဝင်ဘာလမှာ ပိတ်လေ့ရှိပါတယ်
ဒါကြောင့် နောက်နှစ် Intake အတွက် အခုချိန်ကတည်းက-
အင်္ဂလိပ်စာ (IELTS) ကို ပြင်ဆင်ပါ။
လုပ်ငန်းအတွေ့အကြုံ ကို ပြန်လည် စာရင်းပြုစုပါ။
UK က မဟာဘွဲ့ (Master’s Course) ဘယ်ဟာကို တက်ချင်လဲဆိုတာ စတင် ရှာဖွေထားဖို့ အကြံပြုလိုက် ရပါတယ်ရှင်။
Chevening Scholarship က မြန်မာနိုင်ငံအတွက် အမှန်တကယ် ပြောင်းလဲမှုတွေ ဖန်တီးပေးနိုင်မယ့် လူငယ်တွေကို ရွေးချယ်နေတာပါ။ ဒါကြောင့် သင်သာ အဲဒီအရည်အချင်းတွေနဲ့ ရည်ရွယ်ချက်ရှိတယ်ဆိုရင် ဒီအခွင့်အရေးကြီးကို လက်လွှတ်မခံပါနဲ့လို့ Learning House Myanmar က တိုက်တွန်းချင်ပါတယ်!