သင့်ရဲ့ ကိုယ်ပိုင်အင်္ဂလိပ်စာ စွမ်းရည်ကနေလည်း အဖိုးတန်တဲ့ အချက်အလက်တွေကို သင်ယူနိုင်ပါသေးတယ်။ ဒီလို အင်္ဂလိပ်စာ Level Test လေးတွေကို ဖြေဆိုလိုက်ခြင်းအားဖြင့် ဒီဘာသာရပ်ပေါ်မှာ သင့်ရဲ့ အားသာချက်၊ အားနည်းချက်တွေကို သေချာသိရှိနိုင်ပြီး ဘယ်အပိုင်းမှာ ပိုအားစိုက်ထုတ်ရမလဲဆိုတာ နားလည်သဘောပေါက်လာပါလိမ့်မယ်။
ဒါ့အပြင် လုပ်ငန်းခွင်မှာဖြစ်ဖြစ်၊ ကျောင်းမှာဖြစ်ဖြစ် သင့်ရဲ့ အင်္ဂလိပ်စာ အရည်အချင်းကတော့ ဘယ်အဆင့်မှာ ရှိနေပြီဆိုတာ အတိအကျပြောပြနိုင်ပါလိမ့်မယ်။ အောက်မှာ ဖော်ပြထားတဲ့ Website တွေကနေပြီး သင့်ရဲ့ အင်္ဂလိပ်စာ အရည်အချင်းက ဘယ် Level မှာရှိနေပြီလဲဆိုတာ ချက်ချင်းစစ်ဆေးနိုင်ပါတယ်။
ဒီ Website တွေအကုန်လုံးက အင်္ဂလိပ်စာနဲ့ ပတ်သက်တဲ့ အရေး၊ အဖတ်၊ အပြော နှင့် အကြားစွမ်းရည် အကုန်လုံးကို စစ်ဆေးနိုင်တဲ့အပြင် အဖြေပါတစ်ခါတည်းပြန်တိုက်လို့ရပါတယ်။ အချိန်လည်း အများကြီး ပေးစရာမလိုတာမို့ အခုချက်ချင်းပဲ စမ်းသပ်ကြည့်လိုက်ကြရအောင်နော်။
Language Level
သင့်ရဲ့ ဝေါဟာရကြွယ်ဝမှု နှင့် သဒ္ဒါစွမ်းရည်ကို အချိန်တိုတိုအတွင်းမှာ အခမဲ့စစ်ဆေးနိုင်ပါတယ်။ သင်ဖြေထားတဲ့ အဖြေတွေအပေါ်မူတည်ပြီး မေးခွန်းတွေက ပိုခက်သွားတာ၊ ပိုလွယ်လာတာတို့ ဖြစ်မှာပါ။မေးခွန်း (၁၅) ခုပဲဖြေရမှာပါ။ မေးခွန်းအားလုံးဖြေဆိုပြီးသွားရင်တော့ A1 ကနေ C2 အတွင်း သင့်ရဲ့ Level ကို ဖော်ပြပေးမှာပါ။ ရမှတ်အပေါ်မူတည်ပြီး IELTS တို့ TOFEL တို့ဖြေဆိုရာတွင် ဘယ်လောက်အားစိုက်ထုတ်ဖို့ လိုအပ်ကြောင်းကို ခန့်မှန်းနိုင်ပါတယ်။
Test Link >>>
https://www.languagelevel.com/english/index.php
ESL Language Studies Abroad
အင်္ဂလိပ်စာကျွမ်းကျင်မှုကို ထဲထဲဝင်ဝင် စစ်ဆေးနိုင်တဲ့ ဉာဏ်စမ်းမေးခွန်း Multiple Choice မေးခွန်း အခု (၄၀) သာဖြေဆိုရမှာဖြစ်ပြီး မိနစ် ၂၀ ခန့်ပဲ အချိန်ယူရမှာပါ။ မေးခွန်းအားလုံး ဖြေဆိုပြီးသွားရင်တော့ အဆုံးမှာ အဖြေပြန်တိုက်လို့ရတဲ့အတွက် သင်ဘယ်နေရာတွေမှားတယ် ဘယ်နေရာတွေပြန်လေ့လာရမယ်ဆိုတာ အလွယ်တကူ ကြည့်လို့ရပါတယ်။
Test Link >>>
https://www.esl-languages.com/en/online-language-tests/english-test/start-test
Track Test
ဒီ Website ကတော့ CEFR Level A1 ကနေ C2 ကြား သင့် အင်္ဂလိပ်စာ Level ကဘယ်လောက်ရှိလဲ စစ်ဆေးလို့ရမှာပါ။ အခမဲ့ နဲ့ ငွေသွင်းပြီးဖြေရတာဆိုပြီး (၂) မျိုးရှိပါတယ်။ အခမဲ့ဖြေမယ်ဆိုရင်တော့ (၁၀) မိနစ်စာ အင်္ဂလိပ်စာသဒ္ဒါပိုင်းကို ဖြေရမှာဖြစ်ပြီး ငွေသွင်းပြီးဖြေမယ်ဆိုရင်တော့ အရေး၊ အဖတ်၊ အပြောနှင့် အကြားစွမ်းရည် အကုန်လုံးကို ဖြေဆိုရမှာဖြစ်ပြီး အရည်အချင်းစစ်လက်မှတ် (Certificate) ပါရရှိမှာဖြစ်ပါတယ်။
Test Link >>>
https://app.tracktest.eu/registration
FluentU
ဒီ Website လေးကတော့ ထူးခြားပါတယ်။ ပျော်စရာလည်းကောင်းပြီး အင်္ဂလိပ်စာ Level အဆင့်ဆင့်ကို စမ်းသပ်ဖြေဆိုကြည့်နိုင်ပါတယ်။ တေးဂီတဗီဒီယို၊ နမူနာဗီဒီယို၊ သတင်းတွေ နဲ့ စိတ်လှုပ်ရှားဖို့ကောင်းတဲ့ ဟောပြောချက်တွေကို ကောင်းမွန်တဲ့ ဗီဒီယိုအသွင်ပြောင်းပြီး ဘာသာစကား သင်ယူမှု သင်ခန်းစာတွေအနေနဲ့ တင်ဆက်ပြသပေးထားပါတယ်။
ဗီဒီယိုလေးတွေကို ကြည့်ပြီး ဉာဏ်စမ်းမေးခွန်းလေးတွေ၊ အမေးအဖြေလေးတွေ ဖြေကြည့်ရမှာပါ။ Beginner 1, Beginner 2, Intermediate 1, Intermediate 2, Advanced 1 နဲ့ Advanced 2 ဆိုပြီး Level ၆ ခုပါရှိပါတယ်။ Website ကနေ လေ့လာလို့ရသလို App လည်း IOS ရော Android ရောအတွက်ရှိပါတယ်။ အခမဲ့အနေနဲ့ ၂ ပတ်အစမ်းသုံးကြည့်ပြီး သင်ယူလေ့လာလို့ရပါတယ်။
Test Link >>>
British Council
ဒါကတော့ တော်တော်များများ သိပြီးသား Website လေးဖြစ်မှာပါ။ Email address ဒါမှမဟုတ် Gmail လေးရိုက်ထည့်ပြီး ဖြေကြည့်ရုံပါပဲ။ A1 (Elementary), A2 (Pre-intermediate), B1 (Intermediate), B2 (Upper-intermediate), C1 (advanced), C2 (Proficiency) ဆိုပြီး Level (၆)ခုရှိပါတယ်။ မေးခွန်း အခု (၃၀)ကို မိနစ် (၃၀) လောက်ပဲအချိန်ပေးပြီးဖြေကြည့်ရုံနဲ့ သင့် အင်္ဂလိပ်စာ Level ကို ဆန်းစစ်နိုင်မှာပါ။
Test Link >>>
British Study Centres
အင်္ဂလိပ်စာသဒ္ဒါပိုင်းကိုမှ ထဲထဲဝင်ဝင်လေ့လာချင်တယ်ဆိုရင်တော့ ဒီ လင့်ခ်လေးကနေတစ်ဆင့် Grammar Test လေးကို ဖြေဖြစ်အောင်ဖြေကြည့်လိုက်ပါ။ သဒ္ဒါသီးသန့်ကိုမှ မေးခွန်းအခု ၄၀ ကို ၁၅ မိနစ်လောက်ပဲ အချိန်ပေးဖြေဆိုရမှာပါ။ ရလာဒ်ကိုတော့ သင့်ဆီ Mail နဲ့ပို့ပေးပါလိမ့်မယ်။ သဒ္ဒါပိုင်းနဲ့ ပတ်သက်ပြီး မေးခွန်းလေးတွေ စုံစုံလင်လင်ပါရှိတာမို့ ဖြေကိုဖြေကြည့်သင့်တဲ့ Test လေးပါ။
Test Link >>>
https://www.british-study.com/en/grammar-test
EU English
မိနစ် ၂၀ အတွင်းမှာ အင်္ဂလိပ်စာ Level ကို စစ်ဆေးလို့ရမယ့် နောက်ထပ် Website တစ်ခုလာပါပြီ။ ဉာဏ်စမ်းမေးခွန်းလေးတွေကို အလွယ်ဆုံးကနေ အခက်ဆုံးအထိ အဆင့်ဆင့်ဖြေဆိုရမှာပါ။ အားလုံးဖြေဆိုပြီးသွားရင်တော့ အဖြေပြန်တိုက်လို့ရပါတယ်။ သင့်ကိုယ်သင် ဘယ်နေရာမှာ အားနည်းနေတယ် ကိုယ့်အားသာချက်က ဘယ်အပိုင်းမှာ ရှိတယ်ဆိုတာ သုံးသပ်ကြည့်လို့ရပါတယ်။
Test Link >>>
http://www.euenglish.hu/online-level-test-exam-compare-table/
Stafford House International
ဖော်ပြထားတဲ့ လင့်ခ်ကနေ ဝင်ရောက်ပြီးရင် ပေးထားတဲ့ Form လေးအရင်ဖြည့်ရပါမယ်။ Submit Button လေးနှိပ်ပြီးသွားရင်တော့ Level test လေးဖြေကြည့်လို့ရပါပြီ။ မေးခွန်း ၂၅ ခုပဲဖြေဆိုရမှာပါ။ မေးခွန်းတွေအတွက် အဖြေတွေအနေနဲ့က တစ်ခုတည်းမဟုတ်ပဲ အမှန်ကန်ဆုံးနဲ့ အသင့်တော်ဆုံး အဖြေအတွက် ရမှတ်အမြင့်ဆုံးကို ရရှိမယ့် ပုံစံမျိုးနဲ့ ဖြေဆိုရမှာပါ။ ဒါကြောင့် သင့်အနေနဲ့ အင်္ဂလိပ်စာကျွမ်းကျင်မှု အရည်အချင်းဘယ်လောက်ရှိလဲဆိုတာကို အမှန်တကယ်သိရှိနိုင်မှာပါ။
Test Link>>>
https://www.staffordhouse.com/online-english-test.htm
Canadian College of English Language
Multiple Choice မေးခွန်းလေးတွေအပြင် ရေးဖြေမေးခွန်းလေးတွေကိုပါဖြေဆိုရမှာပါ။ အချိန်အားဖြင့် တစ်နာရီလောက်ကြာနိုင်ပြီးတော့ မေးခွန်းတွေအားလုံးဖြေဆိုပြီးသွားရင်တော့ ရလာဒ်ကို မေးလ်နဲ့ပို့ပေးမှာပါ။ သင့်ရဲ့ စာအရေးအသားစွမ်းရည်ကို သေချာလေး စမ်းသပ်စစ်ဆေးကြည့်ချင်တယ်ဆိုရင်တော့ ဒီ Test လေးကို ဖြေကြည့်ဖို့ အကြံပြုချင်ပါတယ်။
Test Link>>>
https://canada-english.com/en/leveltestn
Cambridge English
Cambridge English မှာတော့ General English, For Schools, Business English နဲ့ Young Learners ဆိုပြီး Test (၄) မျိုးခွဲထားပါတယ်။ ကိုယ်နဲ့ ကိုက်ညီတဲ့ Test ဒါမှမဟုတ် ကိုယ်တက်ရောက်လေ့လာချင်တဲ့ အမျိုးအစားပေါ်မူတည်ပြီး ရွေးချယ်ဖြေဆိုလို့ရပါတယ်။ မေးခွန်း အခု (၂၀) ဖြေဆိုရမှာဖြစ်ပြီး မိနစ် ၂၀ လောက်ပဲ အချိန်ပေးရမှာပါ။
Test Link>>>